व्यावसायिक र स्वास्थ्य सम्भावना बढाउँदैMoringa Oleifera),
काठमाडौँ, ०४ पुस – गाउँघरमा परम्परागत औषधीय तरकारीको रूपमा प्रयोग हुँदै आएको मोरिङ्गा (Moringa Oleifera), जसलाई सित्तलचिनी वा सोभान्जन पनि भनिन्छ, अहिले विश्व बजारमा ‘सुपरफुड’को रूपमा लोकप्रिय हुँदैछ। आयुर्वेदिक पद्धतिमा हजारौं वर्षदेखि प्रयोग हुँदै आएको यस वनस्पतिको पात, फल र बीउमा प्रोटिन, भिटामिन, मिनरल्स र एन्टिअक्सिडेन्ट पर्याप्त मात्रामा पाइन्छ।
वैज्ञानिक अध्ययन अनुसार मोरिङ्गा रगतमा सुगर नियन्त्रण, खराब कोलेस्टेरोल घटाउने, शरीरको सुन्निने समस्या कम गर्ने र आर्सेनिकको विषाक्त असरबाट सुरक्षा प्रदान गर्न सहयोगी छ।
नेपालमा मोरिङ्गाको व्यावसायिक खेती बढ्दै गएको छ। कम लगानी र सजिलो स्याहारमा तराई र मध्यपहाडी क्षेत्रमा सहजै उत्पादन हुने यस वनस्पतिको पात, फल, फूल र जरा सबै बिक्रीयोग्य छन्। बजारमा मोरिङ्गा पाउडर, क्याप्सुल र टीका रूपमा उपलब्ध छ भने नेपाली अर्गानिक मोरिङ्गाको विदेश माग पनि बढ्दो छ। विशेषज्ञहरूले सेवन गर्दा मात्रामा ध्यान दिन र आवश्यक परे चिकित्सकको सल्लाह लिन सुझाव दिएका छन्।
