समाचार: विद्या, बुद्धि र संस्कारकी प्रतीक सरस्वती माताको पूजा आज देशभर श्रद्धा, भक्ति र उत्साहका साथ मनाइँदैछ। सरस्वती पूजाको अवसरमा विद्यालय, कलेज, मठ–मन्दिर तथा घरघरमा विशेष पूजा–आराधना गरी ज्ञान, सुसंस्कार र उज्यालो भविष्यको कामना गरिएको छ।
यस पावन दिनमा सरस्वती माताले सबैलाई सुसंस्कार, ज्ञान र सही मार्ग प्रदान गरून् भन्ने कामनासहित पूजा सम्पन्न गरिएको हो। विशेषगरी विद्यार्थीहरूका लागि यो पर्व महत्वपूर्ण मानिन्छ। नयाँ किताब, कलम, वाद्ययन्त्र तथा शैक्षिक सामग्रीहरूमा पूजा अर्पण गरी अध्ययन–अध्यापनमा सफलता प्राप्त होस् भन्ने विश्वास गरिन्छ।
सरस्वती पूजाले समाजमा ज्ञानको महत्व, नैतिकता र संस्कारको विकासमा प्रेरणा दिने विश्वास गरिँदै आएको छ। यस अवसरमा शुभकामना आदान–प्रदान गर्दै सबैले सरस्वती पूजाको हार्दिक मंगलमय कामना व्यक्त गरेका छन्।
१० माघ २०८२, शुक्रबार ०७:२२ मा प्रकाशित
