काठमाडौं २२ गते । नेपाली कांग्रेसमा विशेष महाधिवेशनको तयारी जोडतोडका साथ अघि बढिरहेको बुझिएको छ। पार्टीभित्र विधान संशोधन, संगठनात्मक संरचना पुनर्संरचना तथा आन्तरिक मतभेद समाधानका विषयलाई केन्द्रमा राख्दै विशेष महाधिवेशनको चर्चा र तयारी तीव्र बनेको हो।
पार्टीका विभिन्न तहका नेताहरूबीच छलफल तथा परामर्श बढ्दै गएको छ भने केन्द्रीय नेतृत्वले पनि विशेष महाधिवेशन आवश्यकताका विषयमा आन्तरिक गृहकार्य गरिरहेको स्रोतले जनाएको छ। केही नेताहरूले विशेष महाधिवेशनमार्फत पार्टीलाई थप सुदृढ र एकताबद्ध बनाउने अपेक्षा गरेका छन्।
यद्यपि विशेष महाधिवेशनको मिति र कार्यसूचीबारे औपचारिक निर्णय भने भइसकेको छैन। यस विषयमा केन्द्रीय कार्यसमितिको आगामी बैठकबाट स्पष्ट दिशा तय हुने बताइएको छ।
२२ पुस २०८२, मङ्गलबार ०५:३३ मा प्रकाशित
