काठमाडौँ । जनता समाजवादी पार्टी नेपाल र लोकतान्त्रिक समाजवादी पार्टी नेपालबीच एकीकरण भएपछि गठन गरिएको ४८ सदस्यीय केन्द्रीय समन्वय समितिको पहिलो बैठक सम्पन्न भएको छ।
एकीकरणपछिको संगठनात्मक संरचना मजबुत बनाउने, कार्यदिशा तय गर्ने तथा आगामी राजनीतिक कार्यक्रमहरूबारे छलफल गर्न बैठक आयोजना गरिएको हो। बैठकमा पार्टीको वैचारिक एकता, संगठन विस्तार, जनआधारित आन्दोलन तथा आगामी निर्वाचन तयारीलाई प्राथमिकताका साथ अघि बढाउने विषयमा विचार–विमर्श भएको छ।
नेताहरूले एकीकरणलाई मधेस तथा राष्ट्रिय राजनीतिमा नयाँ शक्ति निर्माणको आधारका रूपमा लिँदै आपसी सहकार्य र एकतामार्फत जनताको विश्वास जित्ने प्रतिबद्धता व्यक्त गरेका छन्। बैठकले छिट्टै कार्यविभाजन, संगठन सुदृढीकरण र नीति–कार्यक्रम सार्वजनिक गर्ने निर्णयसमेत गरेको छ।
२ माघ २०८२, बिहिबार ०७:२१ मा प्रकाशित
