काठमाडौँ, २३ गते ।
नेपाली नायिका स्वस्तिमा खड्का हाल चीन भ्रमणका क्रममा चिनियाँ ऐतिहासिक पोशाकमा सजिएकी छन्। उनले सामाजिक सञ्जालमार्फत मिङ राजवंश (Ming Dynasty: सन् १३६८–१६४४) को परम्परागत पोशाकमा खिचिएका तस्बिरहरू सार्वजनिक गरेकी हुन्।
तस्बिरसँगै स्वस्तिमाले “जब चीनमा हुन्छु, त्यहाँको संस्कृतिलाई अपनाउँछु” भन्ने भाव व्यक्त गर्दै चिनियाँ संस्कृति र परम्पराप्रति आफ्नो सम्मान प्रकट गरेकी छन्। उनले मिङ राजवंशलाई चिनियाँ इतिहासको सुनौलो युगका रूपमा उल्लेख गर्दै, यस कालखण्डमा कला, दरबारी फेसन, परम्परा र हस्तकला उच्च शिखरमा पुगेको बताएकी छन्।
सार्वजनिक तस्बिरहरूमा स्वस्तिमा शाही पहिरन, परम्परागत गहना तथा ऐतिहासिक शैलीको मेकअपमा अत्यन्तै आकर्षक देखिएकी छन्। उनका तस्बिरहरूले सामाजिक सञ्जालमा व्यापक ध्यान तानेका छन् भने धेरैले संस्कृतिप्रतिको सम्मान र सौन्दर्यपूर्ण प्रस्तुतिको खुलेर प्रशंसा गरेका छन्।
